Është padyshim një ndër këngëtaret më të suksesshme në mbarë botën. Dua Lipa me talentin e saj ka arritur të ngjisë majat e karrierës, dhe këtë gjë e ka treguar me suksesin që ka arritur së fundmi.
Ajo ka shënuar të thyejë një tjetër rekord në skenën muzikore, duke u bërë këngëtarja e parë femër, që arrin me katër projekte të kapë shifrën e një miliard klikimeve në platformën Spotify. Sipas Pop Base, artistët me më shumë këngë që kanë shënuar mbi një miliardë klikime në Spotify janë Post Malone, Ed Sheeran, Justin Bieber, The Weeknd dhe Dua Lipa.
Dua Lipa becomes the first female artist in Spotify history to have 4 songs surpass 1 billion streams as “Don’t Start Now” has now reached the mark. pic.twitter.com/WYjSrJWYtf
— Pop Base (@PopBase) July 20, 2020
Kujtojmë që Dua Lipa ka qenë në fokus të mediave shqiptare por edhe të huaja, për shkak të vëmendjes së madhe që i dha peticionit drejtuar kompanisë Apple, për ta trajtuar Kosovën ashtu siç e meriton, duke përcaktuar qartë kufijtë e saj në Apple Maps.
Kjo solli reagime të shumta tek shtetasit serbë, të cilët qenë të shumtë ata që e akuzuan se po shpërndan urrejtje, por Dua vendosi t’ju përgjigjej në mënyrëm më të bukur të mundshme: me hartën e Shqipërisë së madhe dhe me një shpjegim të termit “autokton”. /abcnews.al/
