Thirrjes që shumë personazhe publikë shqiptarë i bënë kompanisë Apple për të përcaktuar qartë kufijtë e Kosovës ka bërë jehonë edhe në mediat e huaja. BBC shkruan se këngëtarja me origjinë shqiptare, Dua Lipa ka ngjallur reagime të shumta në internet për shkak të hartës së Shqipërisë së madhe që publikoi, për peticionin që i kërkon Apple të përfshijë Kosovën si shtet i pavarur.
BBC shkruan se harta që Lipa publikoi ka ngjallur debate të shumta edhe më parë, gjatë ndeshjes së mbajtur midis Shqipërisë dhe Serbisë në vitin 2014, pasi u hodh në stadium nëpërmjet një droni. Më tej në artikull thuhet se gjithashtu dhe artistja tjetër me origjinë shqiptare, Rita Ora doli në mbështetje të këtij peticioni dhe Dua Lipës.
au•toch•tho•nous adjective
(of an inhabitant of a place) indigenous rather than descended from migrants or colonists pic.twitter.com/OD9bNmLcZ4
— DUA LIPA (@DUALIPA) July 19, 2020
“Dua Lipa u akuzua se favorizoi ekspansionizmin shqiptar pasi postoi hartën e cila është pjesë e ëndrrës për krijimin e një Shqipërie të Madhe për të gjithë shqiptarët etnikë. Kjo ka ngjallur polemika edhe më parë. Një ndeshje futbolli në vitin 2014 midis Shqipërisë dhe Serbisë, shkaktoi debate pasi një dron që mbante hartën u shfaq në stadium.
Në qendër të mosmarrëveshjes është statusi i Kosovës i cili shpalli pavarësinë nga Serbia në vitin 2008, gati një dekadë pasi fushata e bombardimeve të Natos i dha fund sundimit të Slobodan Milosevic atje. Kosova njihet nga SHBA dhe qeveritë më evropiane, por jo nga Serbia dhe aleatët e saj kryesorë, përfshirë Rusinë. Dua Lipa e postoi hartën pasi një peticion u shfaq në internet duke bërë thirrje që Apple Maps të tregonte Kosovën si një komb të pavarur.”, thuhet ndër të tjera në artikull. /abcnews.al/
Would love to see @Apple spreading awareness by putting Kosovo on the map! Albania and Kosovo are full of so much beautiful and great talent. Spreading Love, Peace and Unity today with @BebeRexha @DUALIPA @strefie @Dafina_Zeqiri @AvaMax and soooo many others ???? pic.twitter.com/7FP7pkst8I
— Rita Ora ⚡️ (@RitaOra) July 20, 2020
