Sivjet nuk do të ketë asnjë fitues të “Topit të Artë”. France Football, ajo që organizon prej vitesh dorëzimin e çmimit prestigjioz, ka lajmëruar tifozët e shumtë të futbollit se për vitin 2020 nuk do të ketë asnjë fitues.
Shkaku? Shpërthimi i koronavirusit dhe situata e pazakontë që ka krijuar pandemia, teksa revista franceze e justifikon këtë vendim me faktin që ka pasur mungesë të kushteve të barabarta për të gjithë futbollistët këtë vit. Leo Messi dhe Cristiano Ronaldo janë dyshja që kanë dominuar në fitimin e këtij trofeu në vitet e fundit.
Plot gjashtë herë e ka fituar “pleshti” argjentinas i Barcelonës dhe vetëm një herë më pak CR7, sulmuesi i Juventusit, të cilët kanë dominuar futbollin me rivalitetin e madh dhe trofetë e fituara. /abcnews.al
