Shtetet e Bashkuara të Amerikës kanë regjistrurar një numër rekord rastesh ditore. Në 24 vendi konfirmoi 77,300 raste të reja me Covid-19.
Shifrat u publikuan nga gjurmuesi i Universitetit Johns Hopkins, i cili mbështetet në të dhënat zyrtare të qeverisë amerikane.
Ky është bilanci më i lartë një ditor sa i përket numrit të të infektuarve deri më tani. SHBA ka thyer vazhdimisht rekordet një-ditore ditët e fundit, por kjo është me një diferencë mjaft të madhe.
Rekordi i fundit u regjistrua më 10 korrik kur u konfirmuan 67.800 raste të reja në një ditë. SHBA mbetet vendi më i prekur nga pandemia në botë ndërsa numëron rreth 3.7 milion të infektuar dhe 141,118 viktima. /abcnews.al/
