Eksperti i Shëndetit Publik, Erion Dasho është shprehur se situata e pandemisë nuk duhet të përdoret politikisht, është e rëndësishme që të gjithë të jemi të vëmendshëm pasi koronavirusi është mes nesh.
Dasho nga studio e “Abc-së së Mëngjesit”, ka theksuar se gjithashtu se është i rëndësishëm rritja e numrit të testimeve pasi vetëm në këtë mënyrë do të mund që autoritet të kontrollojnë përhapjen e infeksionit në komunitet.
“Pandemia është përdorur politikisht, dhe në kohën që pesha e virusit ishte minimale, kishim autoritetet që dilnin në publik dhe mburreshin por që në të vërtetë ishte një agresion politik për qytetarët. Nuk dua që të komentoj ngjarjet politike, por si mjek jam i keq ardhur që në vend që shëndeti i qytetarët të jetë në plan të parë vihet prioritet qëllimet politike.
Mungesa e testimit ka shumë probleme, nëse personi nuk testohet kur ka shenja të lehta të humbet mundësia për ta kapur në kohë sëmundjen, duke e kapur me vonesë sëmundjen ne shkaktojmë dëm të qytetarët, duke mos u testuar personi që ka shenja të vogla atëherë do të kemi një përhapje, duke mos testuar epideminë ne nuk njohim gjendjen e marrim dot masa dhe nuk e kontrollojmë dot situatën. Janë dështim politikash, strategjish dhe kohe.
Është e turpshme të mendosh që dhe sot të është vetëm urgjenca por duhet të ishte sistemi i mjekut të familjes, i cili duhet të kishte një program që të komunikonte me pacientët e tij, pa u takuar me qytetarët, por trajtim përmes telemjeksisë përmes mjekut të familjes që duhet të ishte dhe baza sot [për kapjen në kohë të hershme. Nuk ka pse të shqetësohet urgjenca në çdo rast pasi një gjë e tillë mund ta bënte më së miri mjeku i familjes”, është shprehur eksperti.
ELXO EDHE: Dasho: Maska e detyruar nuk na shpëton nga koronavirusi, situata ka dalë jashtë kontrollit
Ndër të tjera eksperti i Shëndetit Publik ka theksuar se një tjetër problem në lidhje me këtë është dhe komunikimi me publikun që duhet të jetë sa më transparent. Gjithashtu ai ka bërë thirrje që të dënohen të ashtuquajturit ekspertë që përhapin informacion të rremë për publikun.
“Problem tjetër është se nuk ka pasur komunikim me publikun, nuk mund të komunikohet përmes studiove televizive, pasi në këto studio ka dhe shumë personazhe të tjerë që duke lexuar në Google ka shumë persona që bëjnë si ekspertë. Covid ekziston dhe është i rrezikshëm për pacientë që janë mbi 65 vjeç dhe për personat me sëmundje të tjera, Covid nuk kursen askënd por te personat me moshë të re mund të kalohet më shpejt.
Të vendosësh në pikëpyetje nëse ekziston ose jo Covid duhet të veprojë ligji, dhe nëse në një studio televizive ka mesazhe të tillë që nuk ekziston duhet apo jo maska, këto media duhet të ndërshkohen se është disinformimim për publikun. Ne do na shpëtojë respektimi i masave mbrojtëse, vaksina dhe imuniteti që do të bëhet pas disa muajsh”, tha Dasho.
Ndërkohë gazetari Enkel Demi në fjalën e tij ka theksuar se në fund fare do të dalë se ne na ka shpëtuar qeveria të cilës i intereson një popull sa më i varfër dhe sa më i sëmurë.
Më vonë, Enkel Demi e shtjelloi këtë qëndrim të tijin në një shkrim në “27.al”
Gazetari shkruan:
Në 30 korrik Edi Rama do të ndryshojë Kushtetutën. Megjithëse zonja Merkel e veçoi Shqipërinë nga Maqedonia e Veriut, megjithëse komisioneri për zgjerim kërkoi zbatimin e reformave, megjithëse PPE kërkon zbatimin e marrëveshjes dhe vetëm të asaj të arritur me opozitën, Rilindasi do i shkojë deri në fund.
Ai nuk do të respektojë një marrëveshje që u përshëndet nga zoti Pompeo, sepse i tutet Myslymit dhe 133 fjalëve që ka në fjalor Rudina.
Ashtu si dhe Haxhi Qamili ka për të na thënë: “për sa kohë të kem Myslimin dhe Rudinën nuk pyes për Evropë, ingliz, gjerman dhe Amerikë”.
E ka ndarë mendjen të dhunojë pluralizmin dhe gjithë lirinë e tij shumëngjyrëshe për t’i futur shqiptarët në një kaush. Kështu e dobëson krejt frymën opozitare, e cila falë koalicioneve do të materializonte qoftë dhe 1000 vota që mund t’i sjellë një parti e vogël. Jo, këta 1000 qytetarë nuk vlejnë për Edi Ramën, duhen hedhur në kosh dhe nuk duhet të gëzojnë lirinë bazë të pluralizmit; të drejtën e zgjedhjes.
Duke e telendisur opozitën, e cila pa hyrë në garë do të jetë një kafshë të plagosur, me “çunat problematikë” e ka të lehtë të vjedhë e grabisë vota, ani se i kërkojnë të hetojë dosjen 184 dhe 339.
Pasi ta bëjë këtë duhet të presë reagimin.
Cili është ai? Rruga!
Këtu na hyn në punë sëmundja që si me magji i zgjidh dy halle.
E para, ka mbjellë varfërinë, e cila kurrë nuk është e dinjitetshme. Një i varfër për bukën e gojës së fëmijës ka gjithë të drejtën e kësaj bote të shitet, madje fare lirë për një çapë.
E dyta, sëmundja paralizon revoltën. Nuk lejohen tubimet në rast sëmundje, se mund të infektohet gjindja, ndaj kërbaçi i Lleshit gazsjellës nis që te shtëpia. Me një vendim qeverie të mbyll dhe një herë brenda zotëria dhe ja ku u lamë.
Kjo është arsyeja që qeveria e Edi Ramës e ka lëshuar pa duar sëmundjen dhe nuk merr asnjë masë që ta kufizojë a ta kontrollojë. Shqiptarët që po i bëjnë me faj se nuk mbajnë maska, janë viktimë e një mendje perverse, e cila kërkon sa më shumë të sëmurë, në mënyrë që nesër të mos i lërë të dalin e të kundërshtojnë robërinë. Sot, shqiptarët janë lënë në dorë të seleksionit natyror. Kush ia hedh koronavirusit mirë, kush jo le të vdesë.
E vetmja gjë që nuk parashikojmë dot është se a do të jenë kaq kokëulur njerëzit apo kundërshtarët e regjimit?
Përsa i përket ndërkombëtareve ata do të shtojnë kushte të tjera për integrimin, por Edi Ramës dhe kolaboracionistëve të tij pak u hyn në xhep. Partia që ai ka trashëguar doli nga të gjitha traktatet, izoloi vendin dhe ushtroi diktaturën. Ç’të keqe do të shihte Gramoz Ruçi që mos t’i shërbente Enverit, por Edverit?
Kjo është e vetmja udhë që Edi Rama të rrijë në pushtet, madje mos të çuditemi që disa nga këta dashnorët e “listave të hapura” t’i bëjnë kërkesë zyrtare që çunin e gjatë me brekushe ta shpallin mbret. Nuk është se kjo nuk ka ngjarë më parë në Shqipëri.
/abcnews.al
