Loading ...
Çështja e titullit kampion është mbyllur, Liverpool ia doli të rikthente trofeun e madh të futbollit anglez në “Anfield” pas 30 vitesh dhe tani po tenton të arrijë kuotën e 100 pikëve për këtë sezon. Ekipi i Jurgen Klopp mposhti 2-0 Aston Villa ditën e diel, duke siguruar fitoren e 29-të në Premier League.
89 pikë numërojnë “The Reds”, 23 më shumë se City i vendit të dytë dhe pesë javë kanë mbetur deri në fund të sezonit. Momo Salah nuk shënoi në duelin e fundit, por dhuroi asistin te goli i dytë, që u realizua nga talenti Curtis Jones (gjeti golin e parë në Premier).
Ylli egjiptian është pjesë e Liverpool prej vitit 2017 dhe ka shënuar 73 gola në kampionat. Me asistin e djeshëm u ngjit në kuotën e 27 asisteve të dhuruara për shokët e skuadrës. Në total janë 100 gola+asiste, në vetëm 116 ndeshje.
Një rekord për sulmuesin, i cili është kthyer në lojtarin e huaj më të mirë që arrin këtë shifër në elitën e futbollit ishullor. Më mirë se 28-vjeçari ka bërë vetëm Alan Shearer, i cili ka arritur shifrën 100 gola+asiste në vetëm 100 përballje të luajtura. /abcnews.al
100 – Thanks to @curtisjr_10‘s finish, @MoSalah has reached 100 @premierleague goal involvements in his 116th appearance in the competition (73 goals, 27 assists), with only Alan Shearer (100 apps) managing to do so at a quicker rate than the Egyptian. Kings. #LIVAVL pic.twitter.com/nuTYx6YSZi
— OptaJoe (@OptaJoe) July 5, 2020
