Jurgen Klopp është rikthyer të flasë për Champions League. Sezonin e kaluar e fitoi për herë të parë, pas triumfit 2-0 që Liverpooli i tij arriti kundër Tottenham. “The Reds” u eliminuan nga Atletico Madrid në raundin e 1/8, por fituan titullin kampion në Angli.
Trajneri gjerman zbulon dy favoritët për triumfin në Champions League gjatë një prononcimi për Goal. Klopp nuk ka dyshime dhe shpreson që skuadrat të arrijnë deri në fund, për të shijuar një finale spektakolare dhe emocionuese.
“Për mua, dy favoritët kryesorë që kanë mbetur në garë për fitimin e Champions League, janë Bayern Munchen dhe Manchester City. Do të ishte një finale emocionuese mes këtyre dy skuadrave. Sivjet është regjistruar diçka e veçantë, një situatë që nuk kishte ndodhur më parë.
Ne kemi parë se çfarë sezoni mbresëlënës ka bërë Bayerni, para dhe pas pandemisë. Pasi Flick u ul në stolin e ekipit, loja e Bayernit ka qenë me të vërtetë mbresëlënëse. Mendoj se bavarezët dhe Manchester City janë kandidatët kryesorë për fitimin e Champions.
Skuadrat e tjera? Nuk besoj se nuk kanë shanse për të mbërritur në finale, por jam i bindur që Bayerni dhe City janë favoritët kryesorë“, deklaron trajneri gjerman. /abcnews.al
