Sherif Kallaku, ylli i Teutës, është i ftuar në Pressing, në ABC News. Në fjalën e tij, mesfushori i talentuar foli për fitoren në Shkodër, si dhe për merkaton.
“Normalisht, nuk mund të them se ishte aq e thjeshtë, na duhej rezultati duke parë dhe Laçin e Skënderbeun. Ne shkuam në Shkodër për të marrë tre pikët dhe përveç rezultatit, duhet të ruanim edhe ecurinë.
Jam një futbollist që më pëlqen të mbaj përgjegjësi, jam munduar që të rri sa më larg zërave të merkatos, jam fokusuar vetëm te stërvitje, ndeshjet i kemi pasur radhazi çdo 3 ditë. Jam munduar të bëj më të mirën në ndeshje, pasi aty dallohet vlera e futbollistit.
Kemi shumë lojtarë të rinj, kemi dhe lojtarë me eksperiencë, si Arapi, Todorovski. Na ka munguar disi mentaliteti, pasi kemi fituar me ekipe të mëdha, e kemi lënë pikë me të voglat. Gjithsesi, duhet të jemi të kënaqur, pasi jemi edhe në Kupë, edhe në kampionat pranë objektivit”, u shpreh Kallaku./abcnews.al
