Këngëtarja e njohur Demi Lovato prej disa kohësh është në një lidhje me Max Ehrich. Përmes një reagimi në Instagram, këngëtarja me famë botërore ka bërë një dedikim prekës për të dashurin e saj, me rastin e 29 vjetorit të lindjes, ndërsa ka ndarë edhe disa foto me momentet më të bukura mes tyre.
“Ndihem e dashuruar si kurrë më parë ne jetën time. Je një njeri i mrekullueshëm brenda dhe jashtë. Je si një rreze dielli në jetën time dhe mezi po të pres që të kalojmë së bashku ditëlindje të tjera dhe të krijojmë kujtime të bukura.”, ka shkruar ndër të tjera këngëtarja.
Mediat e huaja kanë shkruar se dyshja po hedh një hap më tej dhe së shpejti do të fejohen. “Ata pritet të fejohen. Ai ka të ngjarë t’i propozojë Demit brenda dy muajve të ardhshëm, kur edhe izolimi të ketë mbaruar.“, tha një burim për US Weekly. /abcnews.al
