Shumë po flitet për të ardhmen e yllit të Bayern Leverkusen, Kai Havertz. Mesfushori ka disa kohë që flitet për një kalim në Premier League, konkretisht tek Chelsea, por ende nuk ka asgjë konkrete. I fundit që ka reaguar për këtë çështje është pikërisht trajneri i bluve të Londrës, Frank Lampard, që vlerëson lojtarin por thekson se nuk ka asnjë ofertë konkrete ndaj tij.
”Mund të them se ai është një lojtar i kompletuar. Për t’iu përmbajtur postit tim nuk mund të komentoj për lojtarët e ekipeve të tjera, kështu që nuk mund të shtoj asgjë më tepër. Ofertë nga Chelsea? Jo, jo nuk ka asnjë ofertë drejt tij nga klubi jonë”, deklaron Lampard.
21-vjeçari ka shkëlqyer në këtë sezon në Bundesliga, ku falë performancës së tij ka rënë menjëherë në radarin e klubeve të mëdha. Real Madrid, Manchester United, Liverpool dhe Bayern Munchen kanë shfaqur interes për shërbimet e gjermanit, por sipas mediave gjermane klubi i Chelseas është një hap përpara në duelin për të. /abcnews.al
