Ardhja e Gennaro Gattusos në stolin e Napolit, ishte pozitive për Elseid Hysajn. Shkodrani i kombëtares, u rikthye të luante dhe trajneri kalabrez e vlerëson shumë si lojtar.
Pavarësisht kësaj, mbrojtësi i djathtë ka vendosur të largohet nga skuadra italiane. Gazzetta dello Sport raporton se 26-vjeçari ka dorëzuar në klub një kërkesë zyrtare, aty ku shfaqet dëshira për të provuar një aventurë të re.
Hysaj kërkon që presidenti ta shesë këtë verë. Kontrata i mbaron në fund të sezonit të ardhshëm dhe ai nuk pranoi rinovimin. 187 ndeshje ka luajtur Hysaj me Napolin prej vitit 2015 kur la Empolin për të kaluar në “San Paolo”. /abcnews.al
