Fitorja 2-0 kundër Kukësit i ka dhuruar tre pikë jetike për objektivin Evropë Laçit të Armando Cungut, por ky rezultat gëzoi edhe tifozët e Tiranës. Diferenca me Kukësin ndjekës u rikthye sërish 9 pikë dhe bardheblutë janë shumë afër fitimit të titullit kampion.
Rezultati në Kurbin ka qetësuar 24 herë kampionët e Shqipërisë, të cilët duan të fitojnë me çdo kusht titullin në 100-vjetorin e klubit. Tirana ka bërë një postim në faqen zyrtare në “Facebook”, aty ku nuk mungon ironia ndaj ndjekësve.
“Distancë sociale”, lexohet në postimin ku shfaqet edhe renditja e Kategorisë Superiore pas javës së 30-të. Deri në fund kanë mbetur për t’u luajtur edhe gjashtë ndeshje, teksa dueli i radhës për skuadrën kryeqytetase është në Korçë përballë Skënderbeut vendas. /abcnews.al
https://streamable.com/qftkeg
