Një ilaç që parandalon mpiksjen e gjakut po testohet nga një studiues australian për të parandaluar vdekjen e pacientëve nga covid 19.
Kërkimi i bërë nga studiuesi australian duket se ka dhënë rezultate pozitive te 72 pacientë të prekur nga koronavirusi. Megjithatë pritet që testimi tani duhet të bëhet në pacientë në gjendje kritike për jetën.
Ilaçi mendohet se nuk lejon mpiksjen e gjakut që është përgjegjës për vështirësitë në frymëmarrje, dëmtim të organeve, goditje në tru dhe atak kardiak. Ndërkohë ekipin e kërkimit po e udhëheq profesori i Universitetit të Sidneit Shaun Jackson.
Pas provave të suksesshme të fazës së parë te 72 pacientë të shëndetshëm, studiuesit tani mendojnë të kalojnë në gjykimet e fazës 2, duke testuar efektivitetin dhe sigurinë e medikamentit te pacientët në gjendje kritike nga COVID-19.
“Ajo që duam të bëjmë është në thelb të parandalojmë që covid 19 të pësojë komplikacione të rënda, ku pacientët kërkojnë kujdes intensiv dhe ventilim. Dhe nëse mund ta ndalojmë procesin e mpiksjes. Ne mendojmë se mund ta kthejmë COVID-19 nga një sëmundje kërcënuese për jetën, në një sëmundje të rëndë të frymëmarrjes”, u shpreh ai.
