Lajm jo i mirë për Bayern Munchen, pasi një prej titullarëve është operuar dhe do të mungojë për tre javë. Bëhet fjalë për mesfushorin Thiago Alcantara, i cili ka pasur një problem në ijë dhe trajneri Hans-Dieter Flick e ka zbuluar këtë në konferencën e sotme për shtyp.
“Thiago i është nënshtruar një operacioni në ijë. Ai do të duhet të ndalojë për tre javë. Vendosëm ta bënte tani atë ndërhyrje dhe mund të jetë gati për finalen e Kupës”, u shpreh mes të tjerash trajneri i Bayern Munchen.
Një ditë më parë bavarezët janë habitur nga Arjen Robben. Holandezi u shfaq në qendrën stërvitore të klubit gjerman dhe u stërvit në shoqërinë e Holger Broich. Bild raporton se nuk po përgatitet ndonjë rikthim, për të shuar zërat e merkatos. /abcnews.al
? Hansi #Flick: "@Thiago6 hat sich einer Operation an der Leiste unterzogen. Er wird für drei Wochen pausieren müssen. Wir haben uns dazu entschieden, das jetzt zu machen. Eventuell ist er für das Pokalfinale wieder einsatzfähig."#FCBayern #FCBBMG pic.twitter.com/kQ8Ou09HOX
— FC Bayern München (@FCBayern) June 12, 2020
