Loading ...
Mesfushori i PSG-së, Leandro Paredes, u transferua me shumë bujë te kampionët e Francës, por dëmtimet e shumta dhe rivaliteti i fortë në mesfushë, nuk e kanë lejuar ende të tregojnë potencialin e plotë të tij.
Gjithsesi, argjentinasi ka një medalje si kampion i Francës dhe për këtë arritje të tij, ka zbuluar një prapaskenë shumë interesante. Paredes tha që nuk e kishte idenë që PSG e kishte fituar titullin kampion pas anulimit të Ligue 1 dhe faktin që ai është kampion, e ka mësuar nga ËhatsApp.
“Jam zgjuar, kam marrë telefonin dhe kam parë grupin e WhatsApp të mbushur me mesazhe”, tha fillimisht Paredes për ESPN. “Kishte trofe, mesazhe urimi: ishim kampionë dhe e kam zbuluar kështu. Nuk është mënyra më e mirë për ta mësuar, por në fund kemi fituar një titull tjetër, apo jo?”, u shpreh Paredes./abcnews.al
