Loading ...
Ditën e sotme në vendin tonë janë regjistruar 36 raste të reja me koronavirus, ndërsa trendi prej ditës është rritës.
Duke iu referuar rritjes së rasteve, ish-deputeti i Partisë Demokratike, Bardh Spahia ka deklaruar se është e turpshme që thuhet se rritja e numrit të rasteve me Covid-19, vjen si shkak i grumbullimeve masive.
Me anë të një postimi në llogarinë e tij në Facebook, Spahia shkruan se rastet e të infektuarve të Tiranës, të publikuar sot, i takojnë kontakteve të prekur në QSUT dhe Senatorium.
Bardhi shton gjithashtu se “QSUT është sot vatra më e madhe e infeksionit në vend, pavarësisht se Edi Rama dhe Ogerta Manastirliu vazhdojnë të heshtin për këtë dështim spektakolar.”
Sipas, Spahisë, “rritja e numrit të të infektuarve është dështimi direkt i kryeministrit të varfërimit të shqiptarëve.”
Postimi i plotë:
E turpshme propaganda se grumbullimet masive qenkan shkaku kryesor i rritjes së numrit të të infektuarve!!! E pështirë që kjo propagandë vihet në gojën e atyre që i thonë vetes profesionistë. Ajo që, për turpin e tyre, fshehin militantet peofesioniste të Edi Ramës është se rastet e të infektuarve të Tiranës, të publikuar sot, i takojnë kontakteve të prekur në QSUT dhe Senatorium.
QSUT është sot vatra më e madhe e infeksionit në vend, pavarësisht se Edi Rama dhe Ogerta Manastirliu vazhdojnë të heshtin për këtë dështim spektakolar.
Rritja e numrit të të infektuarve, përfshi personelin shëndetësor, është treguesi më kokëfortë i keqmenaxhimit nga qeveria, e cila kujdeset vetëm për një fasadë të rreme.
Qytetarët nuk mund të mbahen në asnjë rast përgjegjës pse kanë ushtruar të drejtën kushtetuese për t’u mbledhur.
Rritja e numrit të të infektuarve është dështimi direkt i kryeministrit të varfërimit të shqiptarëve.
Ai që vjedh shqiptarët edhe tek maskat për mjekët dhe letrat higjenike për të sëmurët me COVID, nuk e ka problem të gënjejë edhe kur është direkt fajtor. Çdo ditë me Edi Ramën kryeministër është fatkeqësi për këtë vend. /abcnews.al/
