Ministri i Punëve të Jashtme i Serbisë, Iviça Daçiç, deklaroi se Serbia është e gatshme për dialog me Kosovën, por dialogu dhe arritja e një zgjidhje të përhershme, sipas tij, duhet të nënkuptojë një kompromis.
Mediat serbe bëjnë me dije se Daçiç ka theksuar se rrethanat ndërkombëtare kanë ndryshuar dhe se Kosova më nuk e ka shumicën në Kombet e Bashkuara dhe në organizatat e tjera ndërkombëtare.
“Nuk ka më një mbështetje të disa vendeve perëndimore, të cilat nuk mendojnë se çështja është zgjidhur. Ne jemi të gatshëm për dialog, por ai dialog dhe zgjidhja e përfundimtare duhet të nënkuptojnë një kompromis”, tha Daçiç, shkruajnë mediat në Kosovë.
Ai gjithashtu theksoi se formimi i Asociacionit të Komunave Serbe duhet t’i paraprijë arritjes së një marrëveshjeje përfundimtare.
