Callum Hudson Odoi ka përfunduar në telashe. Sulmuesi i Chelsea ishte i pari futbollist i Premier League që u prek nga koronavirusi. 19-vjeçari është arrestuar pas një grindje me një modele, lajm që u raportua nga The Telegraph, e më pas nga gjithë mediet britanike me radhë.
Ngjarja ka ndodhur mes të shtunës në darkë dhe të dielës në mëngjes. Futbollisti ka thyer karantinën, ka ftuar nëpërmjet rrjeteve sociale një modele në shtëpinë e tij dhe situata mes të dyve është përkeqësuar. Vajza ka njoftuar policinë dhe Hudson Odoi ka përfunduar në pranga.
Rreth orës katër të mëngjesit të dielës ka ardhur një ambulancë në shtëpinë e lojtarit dhe menjëherë ka zbarkuar policia aty, që është thirrur nga gruaja e dhunuar. “Blutë e Londrës” nuk kanë reaguar akoma, teksa Hudson-Odoi i ka shkaktuar probleme vetes me veprimin e kryer. /abcnews.al
