Loading ...
18 maji ishte zgjedhur si dita e rifillimit të stërvitjeve kolektive për skuadrat italiane, por diçka e tillë nuk do të ndodhë. Ministria e Sporteve ka vendosur të shtyjë datën e rinisjes së stërvitjeve reale me anë të një deklaratë të bërë në ditën e sotme.
Komiteti Shkencor nuk ka miratuar akoma dekretin përfundimtar për lejimin e kompeticioneve sportive dhe kjo ka ndikuar që Vincenzo Spadafora, Ministri i Sporteve, të detyrojë trajnerët të presin edhe pak për të zhvilluar seanca stërvitore normale.
Skuadrat e futbollit të vendit fqinj, do të vijojnë të përgatiten me stërvitje individuale, ky vendim ka ulur disi entuziazmin e krijuar dhe rifillimi i Serie A duket akoma larg. /abcnews.al
