FOTO/ Rudina uron Fatmira Hajdarin për Ditën e Nënës: Na rrite me sakrifica

Deputetja, Rudina Hajadari ka uruar Ditën Ndërkombëtare të Nënës. Ajo ka postuar në Instagram një foto, ku shfaqet krah vëllait të madh Kirit dhe nënës, gjyqtares Fatmira Hajdari, përballë memorialit të babait, Azem Hajdarit.

Deputetja falenderon të ëmën për edukimin, sakrificat që e ka rritur. Me anë të këtij mesazhi, deputetja shpreh mirënjohjen në mënyrë të veçantë edhe për nënat që janë mjeke e infermiere, pasi po luftojnë çdo ditë për t’u kujdesur për shoqërinë.

“Sot festohet Dita e Nënës në Shtetet e Bashkuara të Amerikës e në vende të tjera të botës.

Nëna është personi më i rëndësishëm në jetën tonë sepse ne aty gjejmë forcën. Sot dua të falenderoj jo vetëm nënën time, por të gjithë nënat që punojnë kaq fort për të edukuar fëmijët, dhe për t’i rritur me shumë sakrifica.

Dua në mënyrë të veçantë të falenderoj ato nëna që sot janë mjeke e infermiere, apo farmaciste. Sot ju po luftoni më shumë se kurrë me dashurinë e nënës për t’u kujdesur për shoqërinë tonë’, shkruan Rudina Hajdari krahas fotos”, shkruan Hajdari.