E ardhmja e Henrinkh Mkhitaryan, është e paqartë. Kartoni i futbollistit i takon Arsenalit, por këtë sezon, armeni ka luajtur si i huazuar te Roma. Deri më tani, fantazisti ka bërë mirë me ngjyrat romake dhe dëshiron të mbetet në Serie A.
Gjithsesi, ekipi romak nuk duket të jetë gati të paguajë shumën që kërkon Arsenali për kartonin e 30 vjeçarit. “Topçinjtë” kërkojnë 25 milion euro, ndërsa Roma nuk preferon të shpenzojë më shumë se 20 milion.
Mkhitaryan iu bashkua Arsenalit nga Manchester United në janarin e vitit 2018, në një shkëmbim direkt me Alexis Sanchez. Nën urdhrat e Wenger, armeni bëri mirë, por pas ardhjes së Emery, ishte e qartë që nuk bënte pjesë në planet e “Topçinjve”./abcnews.al
