Donald Trump i ka shkruar personalisht presidentit rusVladimir Putin në vitin 2013 për ta ftuar në konkursin e Miss Univers në Moskë. Lajmi është publikuar nga Uashington Post, që sinjalizon se dokumenti i është dërguar Robert Muller, prokurorit special që heton për Russiagate, mbi ndërhyrjet e Kremlinit në zgjedhjet presidenciale amerikane të 2016-ës. Në letër Trump i thotë Putin se po priste me padurim që të shihte gra të bukura gjatë vizitës në Moskë. Në të njëjtën periudhë miliarderi shkruante në profilin e tij në Tuiter se dëshironte të takohej me Putin, dhe nëse do të ndodhte atëherë do të bëheshin shokë të ngushtë. Kreu i Kremlinit, sipas Uashington Post kishte vendosur të ishte i pranishëm në Miss Univers, por e anuloi në minutën e fundit, duke i dërguar një dhuratë dhe një letër Trampit.
Ndërkohë është bërë e ditur se parade ushtarake e kërkuar nga presidenti amerikan Donald Trump, do të bëhet por pa praninë e tanqeve. Lajmi konfirmohet dhe nga një memo e Pentagonit, që ka fiksuar datën 11 nëntor – ditë e veteranëve për paradën. Ajo do të nisë nga shtëia e bardhë e deri në Kapitol Hill dhe do të përfshijë vetëm automjete që nuk rrezikojnë dëmtimin e infrastrukturës. Në fund do të ketë dhe një paradë të aviacionit ushtarak. Tema e paradës do të jetë historia amerikane duke filluar që nga lufta për pavarësi. Kostoja e saj do të jetë 30 milion dollarë. /abcnews.al
