Donald Rapo është mjeshtri i karantinës. Mesfushori i Laçit ka tërhequr vëmendjen me videot e tij të shumta. Së fundmi ai postoi një gol që kishte shënuar me Luftëtarin, kundër Teutës. E veçanta ishte se kishte koment të mbivendosur, me Dritan Shakohoxhën nga një ndeshje e Barcelonës dhe me Messin që shënon.
Rapo me të vërtetë kishte shënuar një eurogol dhe i është përgjigjur shoku i skuadrës, Redon Xhixha. Sulmuesi i Laçit, autor i nëntë golave në kampionat këtë sezon, vjet ndëshkoi Teutën me një perlë dhe e ka postuar sërish në Instagram, duke sfiduar Rapon.
Ky i fundit nuk e ka lënë me kaq dhe ka replikuar sërish. Eurogolat ai i ka realizuar me Luftëtarin, ku edhe u bë i njohur për ndjekësit në Superiore. Një goditja nga distanca dhe portieri Abibi i Tiranës u detyrua ta nxirrte topin nga rrjeta. Korçari ka edhe perla të tjera, po e sfiduan sërish… /abcnews.al
