Gjykata Administratie e Tiranës caktoi datën 8 Mars për seancën, ku do të shpallë vendimin përfundimtar për padinë e prokurores Rovena Gashi kundër Kryeprokurores së Përkohshme, Arta Marku. Përmes kësaj padie prokurorja Gashi kërkon shfuqizimin e urdhrit të kryeprokurores Marku që e liroi nga funksioni drejtues në Drejtorinë e Marrëdhënieve me Jashtë në Prokurorinë e Pëgjithshme dhe të strukturës së “Dekriminalizimit”.
Në seancën e së martës gjyqtari i çështjes, Erarbër Madhi, u njoh me konkluzionet përfundimtare të palëve. Përfaqësuesi i Gashit, avokati Çlirim Gjata kërkoi pranimin e padisë, ndërsa juristja e Prokurorisë së Përgjithme rrëzimin e saj. Pas këtij momenti, Gjykata u tërhoq në dhomën e këshillimit për vendimin përfundimtar. Urdhri administrativ për lirimin nga pozicioni drejtues i Rovena Gashit u firmos nga kryeprokurorja Marku në 29 Dhjetor 2017./abcnews.al
