Sulmuesi shqiptar, Eros Grezda, është shumë i lumtur. Sot, skuadra e Osijek i është rikthyer stërvitjes në fushat e blerta dhe këtë lajm shumë të mirë, Grezda e ka shpërndarë me fansat e tij në Instagram.
Në InstaStory, anësori i Osijek postoi një video në makinën e tij, duke udhëtuar drejt ambienteve stërvitore. Mbi këtë video të publikuar, Grezda shkroi: “Rifillojmë sërish! Më në fund rikthehemi në stërvitje Osijek”.
Kampionati në Kroaci, ashtu si në çdo vend tjetër të Europës, u pezullua për shkak të përhapjes së pandemisë Koronavirus. Por me kalimin e ditëve, masat e sigurisë janë ulur dhe gjërat, po shkojnë drejt normalitetit…/abcnews.al
