Kreu i grupit parlamentar të PS-së, Taulant Balla me anë të një statusi në facebook shkruan se Shqipëria do ta fitojë luftën me COVID-19.
Balla thotë se sot më shumë se kurrë shqiptarët duhet të jenë patriotë e jo vetëm më 28 nëntor.
Ndër të tjera Balla nxit shqiptarët të blejnë prodhimet ‘made in Albania’.
https://www.facebook.com/b.taulant/videos/531887934179326/
Statusi i Plotë:
“Shqipëria do ta fitojë këtë luftë, por duke ruajtur deri në ditën e fundit kujdesin, respektimin e rregullave dhe masave që na mbrojnë nga armiku i padukshëm. Ne nuk jemi patriotë vetëm më 28 Nëntor, apo kur këndojmë “o sa mirë me qenë shqiptar” kur fiton kombëtarja????. Patriot është kushdo që bën detyrën tonë ndaj atdheut, popullit, njëri – tjetrit, SOT MË SHUMË SE KURRË.
Edhe një merak tjetër që ka të bëjë me ekonominë e luftës. Nga ngastrat e serat e bujqëve shqiptarë, nga blektorët shqiptarë ka shumë prodhim cilësor këtë vit dhe ju që shkoni të bëni shpezat për familjen tuaj, ju lutem blini prodhimet tona shqiptare. Sot e nesër të mbyllur në shtëpi, ju që ngrini shëndete e bëni ndonjë urim, bëjeni me një birrë shqiptare. Blini prodhime “made in Albania”, konsumoni SHQIP!”, shkruan Balla./abcnews.al
