Ministrja e Shëndetësisë Ogerta Manastirilu në një deklaratë për mediat ka folur për masat kufizuese për parandalimin e COVID-19.
Gjithashtu Manastirliu u ndal edhe te përfitimi i pagesës së ndihmës ekonomike ndërsa theksoi se aplikimi do të realizohet online.
“Nga sot shtyhen pa afat urdhrat për masat ndaluese me qëllim kufizim të përhapjes së COVID-19. Qëndrojnë të mbyllura deri në përfundimin e epidemisë kopshtet , çerdhet , shkollat dhe të gjitha institucionet arsimore, publike dhe jopublike.
Qëndrojnë të mbyllura deri në përfundim të epidemisë, baret, restorante dhe strukturat që ofrojnë shërbime për klientët do të jenë të ndaluara deri në përfundim të epidemisë. Do të anulohen të gjitha aktivitetet publike dhe jopublike. Për grupet në nevojë të gjithë familjet që përfitojnë nga ndihma ekonomike do të përfitojnë pagesën e kësaj ndihme pa pasur nevojë të shkojnë të paraqiten për kryerjen e kësaj pagese pasi do të jetë online.
Gjatë situatës së fatkeqësisë natyrore aplikimet do të pranohen në formë elektroni apo në shërbimin postar. Rreth 64 mijë familje do të përfitojnë nga dyfishimi i pagesës së ndihmës ekonomike përgjatë gjithë periudhës së fatkeqësisë natyrore”, deklaroi Manastirliu.
Deklarata e plotë:
Dua të informoj qytetarët se nga sot shtyhen pa afat urdhrat për masat ndaluese me qëllim kufizimin e përhapjes së COVID-19.
Qëndrojnë të mbyllura deri në përfundimin e epidemisë: Çerdhet, kopshtet dhe shkollat – të gjitha institucionet arsimore publike dhe jo publike.
Baret, restorantet, lokalet, fast-food-et dhe strukturat akomoduese që ofrojnë shërbim për klientët.
Do të jenë të ndaluara deri në përfundimin e epidemisë aktivitetet publike dhe jo publike dhe anullimi i grumbullimeve masive në vende të mbyllura apo të hapura.
Shtyhen deri në përfundimin e kësaj situate edhe urdhrat për ndërprerjen e ndërhyrjeve kirurgjikale të planifikuara në të gjithë strukturat spitalore publike dhe jo publike.
Dua të sqaroj për qytetarët se duke filluar nga dita e sotme: Të gjithë familjet dhe indiviët që përfitojnë ndihmën ekonomike do të përfitojnë pagesën e ndihmës ekonomike pa patur nevojë që qytetarët të paraqiten për të kryer aplikimin për përfitimin e kësaj pagese, pasi ai do të jetë online.
Sipas urdhërit që kam firmosur administratorët shoqërorë të njësive adminsitrave janë përgjegjës për kryerjen e aplikimeve për ndihmë ekonomike duke mundësuar ata vetë kontaktin elektronik ose me telefon për t’iu ardhur në ndihmë të gjithë aplikuesve për përfitimin e ndihmës ekonomike.
Përjashtimisht, gjatë situatës së fatkeqësisë natyrore, aplikimet për ndihmë ekonomike, do të pranohen nga administratorët shoqërorë të njësive administrative në formë elektronike ose përmes shërbimit postar.
Rreth 64 mijë familje do të përfitojnë nga dyfishimi i pagesës së ndihmës ekonomike përgjatë gjithë periudhës së fatkeqësisë natyrore.
Edhe për personat me aftësi të kufizuar, pagesat do të vazhdojnë pa ndërprerje dhe rikomisionimet e personave me aftësi të kufizuara do të zhvillohen pasi të kalohet gjendja e fatkeqësisë natyrore.
/abcnews.al
