Leje- dalja 60 minutëshe i shërbeu disa qytetarëve t’i drejtoheshin librarive pas vendimit për rihapjen e tyre.
Leximi në këto ditë karantinimi shërben për disa për të larguar mendjen nga stresi i krijuar nga virusi COVID-19. Por a ka pasur fluks në librari dhe cilët janë librat që po kërkohen më shumë nga lexuesit?
“Dalim pak nga rutina stresit të virusit. Kjo është gjëja më e duhur”, shprehet një qytetare.
Edhe kancelaritë që qëndronin të mbyllura prej 12 marsit, janë rihapur sërish këtë të martë.
Sipas menaxherëve të këtyre kancelarive, pjesa më e madhe e qytetarëve kanë blere mjete shkollore për fëmijët, ndërsa një pjesë tjetër kanë zgjedhur të printojnë leje-daljen 60 minutëshe që e kanë marrë nëpërmjet e-mailit apo mesazheve në telefon.
Gomisteritë janë rihapur gjithashtu gjatë së martës, por interesi i atyre që kanë nevojë për këtë shërbim ka qenë i ulët.
“Ka pasur më tepër vetëm fryerje gomash. U bëmë tre javë mbyllur në shtëpi, dhe u bë mirë u u hap”, shprehet ai.
Pas vendimit të Ministrisë së Shëndetësisë libraritë, kancelaritë dhe gomisteritë ofruan shërbime në fashën orare 05:00 – 13:00, duke iu bashkuar kështu 109 aktiviteteve tregtare të lejuara gjatë periudhës së karantinës./abcnews.al
