Mjeku shqiptar që jeton dhe punon në Brescia të Italisë, Julian Balla në një lidhje direkt për ABC News është shprehur se gjatë dy ditëve të fundit janë rritur shpresat se situata mund të vihet nën kontroll.
“Situata është ende e rëndë por shifrat prej dy ditëve duket se janë në përmirësim si nga numri i pacientëve që vijnë në urgjencë ashtu edhe nga numri i pacientëve që shërohen në pacientin që unë punoj”, tha mjeku Balla.
Gjatë bisedës me Endri Xhafon, doktori ndër të tjera në fjalën e tij ai është shprehur se numri i personave të prekur në rajonin e Lombardisë duhet të jetë 10-fish më shumë sesa ai i shifrave zyrtare që publikohet.
Ndër të tjera ai ka theksuar se një infermier shqiptar që jeton dhe punon në Itali është infektuar me Covid 19 por fatmirësisht ndodhet në gjendje të mirë shëndetsore.
Pjesë nga biseda:
Keni frikë pasi ktheheni në shtëpi?
Jo nuk kam frikë e kam marrë shumë seriozisht këtë fakt por masat mbrojtëse janë ato që i kam përdorur me kujdes. Dhe pasi heq masat mbrojtëse bëj dhe diziinfektimin total.
Si mund të shpjegohet se ka kaq shumë mjekë të infektuar në Itali?
Tek spitali që punoj janë tre kolegë të infektuar mes të cilëve edhe një bashkatdhetar i joni infermier, por fatmirësisht është në gjendje të mirë. Ëstë në shtëpi dhe vijon mjekin
Një person që është në shtëpi ka tjetër lloj mjekimi nga ai që është në spital?
Po.
Me çfarë mjekohet infermieri shqiptar i infektuar në Itali?
Tani ka filluar me plakenil, ilaçi që përdorej zakonisht për artritin reumatoid dhe ka dhe njëmbikëqyrje me antibiotikë për të mbuluar infeksionet bakteriale që mund të vijnë në një moment të dytë. COVID është një virus por në shumë raste ka dhe një mbivendosje të baktereve. Ai ka 5 ditë i sëmurë, dhe minimumi i duhet dhe 5 ditë të tjera për të parë reagimin. Vijon akoma që të ketë temperaturë por fatmirësisht nuk ka pasur problemin me satirimin e oksigjenit në gjak.
Pse ka pasur aq shumë mjekë të infektuar?
Dhe tre koleget e mi të infektuar janë në moshë pensioni por të them të drejtën kam debatuar në fillim pasi në fillim e morën lehtë dhe mendoj se kjo është një ndër shkaqet që mund të ketë shkaktuar infektimin e tyre. Futeshin në urgjencën e pacientëve me Covid pa pasur masa mbrojtëse.
Si është tendenca në Itali në lidhje me numrin e të infektuarave dhe viktimave. Numri i lartë i viktimave ka kaluar Kinën, është bërë vatra e re e epidemisë?
Për mendimin tim siç e tha dhe Borreli, numrat nuk janë ato që janë dhe numrat janë thuajse të gjithë dakord, por ndjesia që të jepet është se shifrat e të infektuarve janë rreth 10 herë më të larta se realet. Po të shikosh vdekshmërinë në rajonin e Venetos është diku te 3 % ku ka diku 6-7 mijë të infektuar ndërsa në rajonin e Lombardisë vdekshmëria është 11%. Ndryshimi mes këtyre dy rajoneve ëstë se në Veneto u është bërë tampon ati të gjithëve, ndërsa në Lombardi nuk është bërë asnjë gjë e tillë, dhe ka shumë personel mjekësor që nuk u është bërë një tampon.
Po më thoni se shifrat në Lombardi janë më të larta?
Për mendimin tim duhet të jetë 10 fishi i atyre që thonë, pasi është e pamundur të ketë një shifër kaq të lartë vdekshmërie pasi ka një sistem ekselentë të shendetsisë.
Ky kolaps ndodhi pasi Itali është përpjekur që ta mbajë të izoluar vetëm në Lombardi dhe Veneto, vonë e shpalli vijën e kuqe apo çështja e menaxhimit?
E thonë të gjithë se sistemi Shëndetsor në Itali ka vite që masakrohet, ka vite që vazhdon të shkurtohet numri i shtretërve, që nuk ka aparatura për pacientët e inkubuar. Nuk ka ndjekur një politikë afatgjatë për sistemin shëndetsor./abcnews.al
