Prej disa ditësh tashmë rregullat e “shtetrrethimit” kanë ndryshuar dhe njerëzit po mundohen të bëjnë gjithçka që kanë për të bërë jashtë shtëpisë në orarin e lejuar.
Orari kur lejohet qarkullimi është 05.00 e mëngjesit deri në 13.00 të drekës dhe shkurtimi i orëve ka bërë që njerëzit të “dynden” në dyqane e furra bukësh.
Pamje shqetësuese vijnë edhe nga tregu i fruta-perimeve në Fier. Në disa pamje shqetësuese të siguruara nga Abc News duken qytetarët teksa vazhdojnë me blerjet si të ishte një ditë e zakonshme.
Disa prej tyre mund të shihen me maska në fytyrë, por shumica prej tyre janë të pambrojtur dhe nuk po respektohet as distanca e kërkuar.
Le të shpresojmë që orët kur lejohet lëvizja jashtë shtëpisë të mos kontribuojnë në rritjen e numrit të rasteve për shkak të neglizhencës së qytetarëve. /abcnews.al/
