Ish-futbollisti i njohur anglez, Joe Cole, tashmë është një ndër analistët më të dëgjuar në Angli, me deklaratat e tij që marrin vëmendje të madhe. Cole ka folur për situatën e Jose Mourinhos te Tottenham, duke e mbrojtur strategun portugez.
“Jose i është futur një valleje të vështirë. Duhet ta shohësh punën e tij në perspektivë… është si t’i ndryshosh drejtimin një anijeje të madhe pasagjerësh, nuk e kthen dot sa hap e mbyll sytë, duhet goxha kohë”, u shpreh Cole.
Mourinho ka vendosur një rekord shumë negativ me Tottenham, pasi në 6 ndeshjet e fundit, ka marrë vetëm 1 barazim dhe 5 humbje, ecuria më e keqe e trajnerit portugez në karrierën e tij mbi 20 vjeçare./abcnews.al
