Rezultatet e mira për Arsenalin në shtëpi vazhdojnë. “Topçinjtë” e Londrës mposhtën sot me rezultatin minimal 1-0 ekipin e West Ham, me një gol të Lacazette në minutën e 78-të. Fillimisht, goli i sulmuesit francez u anulua për pozicion të parregullt, por pas konsultimit me VAR, goli iu akordua londinezëve.
Në takimet e tjera të orës 16:00 në Premier League, pati një thatësirë golash. Crystal Palace mposhti 1-0 ekipin e Watford, ndërsa me të njëjtin rezultat, Sheffield United triumfoi kundër Norwich.
Newcastle mori një fitore të rëndësishme në transfertë 0-1 kundër Southampton, me vendasit që luajtën pjesën më të madhe të kësaj sfide me një lojtar më pak (karton i kuq – Djenepo 28′). Wolves dhe Brighton u ndanë në barazim pa gola./abcnews.al
