Fantazisti maroken, Hakim Ziyech, do t’i bashkohet Chelseat në fund të sezonit nga skuadra e Ajax. Sot, klubi londinez zyrtarizoi firmën e tij për 5 vitet e ardhshme, si dhe me anë të një video, publikoi fjalët e para të Ziyech.
“I lumtur, krenar dhe shumë i emocionuar për transferimin tim te Chelsea. Mezi po pres t’i bashkohem skuadrës në verë. Chelsea është një klub i madh që luan në një kampionat të madh. Më pëlqen mënyra si Lampard e ka shndërruar ekipin, luajnë futboll sulmues dhe kjo është gjëja që më pëlqen dhe më përshtatet mua.
Lampard luajti një rol të madh në kalimin tim këtu. Kemi pasur biseda gjatë javëve të fundit dhe më ka bërë të kuptoj se jam i mirëpritur këtu. Ai është një nga arsyet pse zgjodha Chelsean, pasi nuk ishte një zgjedhje e lehtë për mua të lija Ajaxin. Tani dua të fitoj trofetë që kanë mbetur me Ajaxin dhe në verë, do të jem gati për aventurën e re”, tha Ziyech./abcnews.al
