Ronaldo ia doli t’i shënonte Spalit ditën e djeshme dhe kjo ishte rrjeta e 11-të radhazi e yllit të Juventusit në Serie A këtë sezon. Portugezi barazoi rekordin e Gabriel Batisutës (shënoi në 11 ndeshje radhazi me Fiorentinën në sezonin 1994/1995) dhe Fabio Quagliarellën, i cili e realizoi diçka të tillë sezonin e kaluar me Sampdorian.
Legjenda argjentinase ka reaguar duke uruar CR7. Në postimin e tij në Twitter nuk mungon edhe pak ironi, pasi sulmuesi i Juventusit pushoi në ndeshjen me Brescian, ndërsa Batigol gjeti golin në 11-të ndeshje radhazi 25 vite më parë.
“Urime Cristianos për rekordin. E vetmja gjë që mund të them është që më duket më e thjeshtë ta realizosh duke pushuar“, shkruan Gabriel Omar Batistuta, një nga sulmuesit më të mëdhenj të historisë së futbollit. /abcnews.al
Felicitaciones a @Cristiano por el récord !!!!!!.
La única cosa es que descansando me parece que es más fácil ???. #SerieA— Gabriel Batistuta (@GBatistutaOK) February 23, 2020
