Trajneri i Manchester United, Ole Gunnar Solskjaer, në konferencën për shtyp përpara sfidës së nesërme kundër Manchester City ka folur mbi situatën aktuale te “Djajtë e Kuq”. Tekniku flet për merkaton e klubit si dhe për Alexis Sanchez.
United ka disa javë që flitet se është shumë pranë transferimit të mesfushorit të Sporting Lisbonës, Bruno Fernandes. Edhe pse ka shumë fjalë, ende nuk ka asgjë konkrete dhe nuk është arritur marrëveshja me klubin portugez. “Fernandes? Po humbisni kohën kot, më mirë mos pyesni fare,” deklaron norvegjezi me shaka kur pyetet për transferimin e mesfushorit.
“Ne kemi lojtarë këtu që po punojnë çdo ditë për tu rikthyer në formën e tyre më të mirë. Klubi në vitet e kaluara ka arritur të transferojë lojtarë të mëdhenj në merkaton e janarit dhe jam i bindur se nëse mund ta bëjnë diçka, atëherë drejtuesit do ta bëjnë. Asnjë klub nuk dëshiron t’i humbasë lojtarët e tyre më të mirë dhe Alexis do të rikthehet në verë për t’i provuar të gjithëve se vendi i tij është këtu”, mbyll Solskjaer. /abcnews.al
