Mike Carts, trajneri i Irlam Tiger, që militon në ligat e ulëta të Anglisë, e ka pësuar keq nga lojtarët e tij. Carts refuzoi të shikojë gjuajtjet e penalltisë në sfidën çerekfinale mes ekipit të tij dhe FC Unswuorth.
Lojtarët e tij e fituan këtë ndeshje me penallti, por nuk i treguan trajnerit të tyre, duke shkuar në dhomat e zhveshjes të mërzitur. Video e publikuar nga faqja zyrtare e Irlam Tiger tregon qartë dëshpërimin e trajnerit Carts, i cili ngushëllon lojtarët dhe i falënderon për faktin që arritën deri në çerekfinale.
Menjëherë pas fjalëve të trajnerit, lojtarët nisin të festojnë, duke dalë nga aktrimi i tyre dhe duke përqafuar trajnerin Carts. Pas disa sekondash festë, trajnerit nuk i beson syve dhe më pas, shkon për të festuar me futbollistët e tij për këtë arritje. Video u bë menjëherë virale dhe u shpërnda nga shumë faqe të njohura sportive./abcnews.al
WHEN THE MANAGER REFUSES TO WATCH A QUARTER FINAL PENALTY SHOOTOUT AND THE PLAYERS COME BACK SAYING WE LOST pic.twitter.com/nAyjbRox2o
— IRLAM TIGER FC.. (@FcIrlamTiger) January 26, 2020
