Andrea Pinamonti u transferua verën e kaluar nga Interi te Genoa. 20-vjeçari u huazua tek ekipi më i vjetër italian deri në verën e vitit 2021, teksa ka shënuar vetëm dy gola në kampionat. Lojtari ka humbur postin e titullarit dhe Genoa po tenton ta largojë.
Sky Sport Italia raporton se agjenti i lojtarit ndodhet në zyrat e Interit për ta liruar nga kontrata me Genoan. Cagliari, Spal dhe Parma janë të interesuar për shërbimet e tij, teksa zbulohet edhe shkaku pse Genoa po insiston të lirohet nga talenti zikaltër.
Një klauzolë mes dy klube përcakton qartë faktin që Genoa është e detyruar të blejë sulmuesin për një shumë prej 18 milion eurosh. Në momentin që skuadra e vendit të fundit në Serie A merr një pikë pas datës 1 shkurt, automatikisht do të detyrohet të paguajë shumën e 18 milion eurove në arkat e Interit. /abcnews.al
#Genoa ha l'obbligo di riscatto a €18M per #Pinamonti al primo punto conquistato in campionato dopo l'1 febbraio. Ecco perché la cessione è complicata: l'#Inter a bilancio ha plusvalenza e i club interessati non sono in grado di caricarsi tale investimento al posto di #Preziosi
— Nicolò Schira (@NicoSchira) January 24, 2020
