Schalke 04 e nisi me fitore vitin 2020. “Blutë Mbretërorë” mposhtën 2-0 në shtëpi ekipin e M’Gladbach me dy gola të shpejtë në pjesën e dytë. Golashënuesi më i mirë i ekipit, Suat Serdar zhbllokoi ndeshjen në minutën e 48-të me një goditje shumë të bukur me të djathtën.
Dhjetë minuta më pas erdhi edhe dyfishimi. Kundërsulm perfekt i ekipit vendas, teksa belgu Raman u tregua altruist dhe nxori të lirë përpara portës mike Michael Gregoritsch. Austriaku nuk e pati të vështirë për të shënuar dhe në stadium nisi festa.
Ndeshja nuk pati më gola dhe u mbyll 2-0. Ky sukses e ngjit Schalken në kuotën e 33 pikëve po aq sa ka edhe Bayerni i vendit të tretë, ndërsa Leipzigu kryesues ka katër pikë më shumë. /abcnews.al
Schalke-M’Gladbach 2-0
(Serdar 48′, Gregoritsch 58′)
