Atdhe Nuhiu është vlerësuar në Angli, pas paraqitjes së bërë në ndeshjen e fundit që Sheffield Wednesday fitoi në transfertë me Leeds United. Ai është përfshirë në formacionin më të mirë në Championshit këtë javë.
Sulmuesi shqiptar i Kosovës ishte vendimtar në fatet e kësaj ndeshjeje, pasi dha asistin e golit të parë, shënuar nga Murphy tre minuta nga fundi i takimit. Më pas në të 94′ realizoi edhe golin e dytë, duke vulosur fatet e kësaj përballje.
Nuhiu nuk është se ka shënuar shumë gola. Këtë sezon në kampionat ka realizuar vetëm tre gola, por triumfi i kësaj jave ishte shumë i rëndësishëm dhe e rendit Sheffield Wednesday në zonën e “play off”-it për t’u ngjitur në Premier League. /abcnews.al
