Shërbimet e inteligjencës amerikane po hetojnë akuzat ndaj Alice Huang, ish-drejtoreshë e kompanisë singaporiane Megaspeed International, e dyshuar për lidhje me aktivitetet e spiunazhit kinez.
Sipas raportimeve, Huang dyshohet se ka pasur një lidhje me Jensen Huang, drejtuesin ekzekutiv të Nvidia-s. Çështja është përmendur nga drejtori i Inteligjencës Kombëtare të SHBA-së, Jay Clayton, i cili konfirmoi se autoritetet po shqyrtojnë akuzat.
Clayton theksoi se Nvidia mbetet një objektiv i vazhdueshëm i përpjekjeve për të siguruar në mënyrë të paligjshme çipat e saj më të avancuar, të cilët kanë kërkesë të lartë në tregun global.
“Çipat e Nvidia-s janë një perlë, absolutisht më të mirët, dhe të gjithë i duan”, deklaroi Clayton në një intervistë për televizionin ABC, sipas Bloomberg.
Hetimet lidhen me shqetësimet amerikane për përpjekjet e mundshme të paligjshme për sigurimin e teknologjisë së avancuar gjysmëpërçuese, një sektor me rëndësi strategjike në konkurrencën teknologjike mes SHBA-së dhe Kinës.
Deri më tani, akuzat ndaj Alice Huang mbeten në fazën e hetimit dhe nuk përbëjnë fakte të provuara.



