Loading ...
Të paktën 12 persona kanë humbur jetën dhe 46 të tjerë kanë mbetur të plagosur pas dy aksidenteve të rënda zinxhir që përfshinë më shumë se 70 automjete në autostradën Trakia, në Bullgari. Aksidentet ndodhën pranë kryqëzimit të Zimnicës, duke bllokuar qarkullimin në të dyja drejtimet.
Ministrja e Shëndetësisë, Katya Ivkova, konfirmoi se 10 persona humbën jetën në vendngjarje, ndërsa dy të tjerë ndërruan jetë në spitale të ndryshme, ku ishin transportuar për të marrë ndihmë mjekësore.
Sipas saj, 46 persona janë dërguar në spitale për trajtim, ndërsa situata vijon të jetë dinamike.
😱 No, this isn’t footage from a post-apocalyptic movie — it’s a massive highway pileup in Bulgaria
More than 50 vehicles collided on a highway near the city of Yambol due to thick fog. According to preliminary reports, at least 10 people were killed and dozens injured.
The highway was littered with debris, and several vehicles caught fire.
One driver said he miraculously escaped his vehicle. Another smashed the window of a burning car and pulled a person to safety.
“Everything happened very quickly. So many people died here. A man died right behind me. There were four trucks behind me. Thank God I’m still alive,” one witness recalled.
— NEXTA (@nexta_tv) November 10, 2026
Guvernatori i rajonit të Slivenit, Mihail Kasherov, deklaroi se në aksident janë përfshirë mbi 70 automjete, mes tyre makina dhe kamionë. Ai e përshkroi skenën si të papërshkrueshme, duke theksuar se nuk kishte parë kurrë diçka të ngjashme.
Mjegulla e dendur dyshohet si shkaku kryesor
Aksidentet ndodhën në të dyja karrexhatat e autostradës, në drejtim të Burgasit dhe të Sofjes. Sipas Ministrisë së Brendshme të Bullgarisë, një nga faktorët kryesorë që mund të ketë shkaktuar tragjedinë ishte mjegulla e dendur, e cila kishte ulur ndjeshëm dukshmërinë.
Drejtori i Administratës Rajonale të Rrugëve, Galin Kostov, përmendi gjithashtu lagështinë në asfalt dhe shpejtësinë e papërshtatshme të automjeteve për kushtet atmosferike.
Autostrada e bllokuar për një periudhë të gjatë
Agjencia e Infrastrukturës Rrugore njoftoi se autostrada Trakia pritet të qëndrojë e mbyllur në të dyja drejtimet për një periudhë të gjatë, për shkak të numrit të madh të kamionëve të përfshirë dhe hetimeve për zbardhjen e plotë të ngjarjes.
Qarkullimi në drejtim të Sofjes është devijuar përmes Karnobatit dhe Slivenit, në drejtim të Krushares dhe Hadzhidimitrovos. Ndërsa automjetet që udhëtojnë drejt Burgasit po orientohen përmes Gorno Aleksandrovos, Zimnicës dhe Karnobatit.
Bulgaria, November 10, 2026 – 11 people died in a large-scale accident involving about 50 cars on the Trakia highway near the Bulgarian city of Yambol
Source: Radio 999 BG/Facebook – without sound https://t.co/wmBcAjjVBQ— Календар News (@KalendarNews) November 10, 2026
Policia e Burgasit u ka bërë thirrje drejtuesve të mjeteve të ulin shpejtësinë dhe të ruajnë distancën e sigurisë, veçanërisht në zonat ku dukshmëria është e kufizuar.
Për shkak të tragjedisë, është shtyrë edhe vizita e planifikuar në Yambol e ministres së Punës dhe Politikës Sociale, Nataliya Efremova, dhe ministrit të Rinisë dhe Sportit, Encho Keryazov. Të gjitha aktivitetet e parashikuara në programin e tyre janë anuluar.
