Loading ...
Një 31-vjeçar, shtetas turk, është arrestuar në pikën kufitare të Morinës, teksa tentonte të hynte në Shqipëri. Ai ishte shpallur në kërkim ndërkombëtar nga autoritetet e Maqedonisë së Veriut, i akuzuar për vrasje.
Policia Kufitare e Morinës, në bashkëpunim me Interpol Tiranën, bëri të mundur identifikimin dhe kapjen e shtetasit me inicialet B. K., banues në Turqi.
Nga verifikimet rezultoi se ndaj tij ishte lëshuar një vendim kërkimi ndërkombëtar nga Zyra e Prokurorisë Publike në Shkup, më datë 27 tetor 2026, për veprën penale të vrasjes.
Pas arrestimit, specialistët për Hetimin e Krimeve të Rënda në Drejtorinë Vendore të Policisë Kukës kryen procedurat përkatëse me qëllim ekstradimin e 31-vjeçarit drejt Maqedonisë së Veriut.
Ndërkohë, Interpol Tirana, në bashkëpunim me homologët maqedonas, vijon procedurat për ekstradimin e tij.
/abcnews.al/
