Loading ...
Kryeministri Edi Rama zhvilloi një mbledhje për rreth dy orë me ministrat dhe drejtuesit politikë, teksa një valë ndryshimesh pritet të nisë në administratën publike, duke filluar nga drejtuesit e institucioneve publike dhe atyre rajonale.
Në mbledhje është diskutuar për largimin e drejtuesve, në kushtet e kritikave për punën e tyre dhe shtimit të ankesave për moszgjidhjen e problemeve të qytetarëve.
Sipas informacioneve, ministrat do t’u kërkojnë dorëheqjen drejtorëve, të cilëve u ishte lënë afat për të zgjidhur ankesat dhe shqetësimet e qytetarëve.
Kjo ndërhyrje përshkruhet si faza e parë e një procesi më të gjerë ndryshimesh, i cili do të nisë me drejtuesit e administratës publike dhe strukturave rajonale.
Nga ky spastrim, ABC News se nuk preken tre sektorë kritik: Policia e Shtetit, e cila është në një nga momentet më kritike të saj me protestat e dhunshme në Tiranë. Po ashtu dhe arsimi dhe shëndetësia. Ndërsa për gjithë sektorët e tjerë ka një listë tashmë të gjatë të cilën kryeministri Edi Rama së bashku me ministrat do e shqyrtojnë./abcnews.al
