Loading ...
Protestuesit janë rikthyer në Bulevardin “Dëshmorët e Kombit”, ku kanë tentuar të mblidhen sërish para Kryeministrisë. Policia ka ndërhyrë për shpërndarjen e tyre duke përdorur ujë me presion.
Situata në kryeqytet mbetet e tensionuar, me protestuesit që janë rikthyer sërish në Bulevardin “Dëshmorët e Kombit” në një përpjekje për t’u rimbledhur përpara godinës së Kryeministrisë. Pas një shkëputjeje të përkohshme, turmat e demonstruesve janë rigrupuar në akset kryesore, duke tentuar të çajnë kordonët e sigurisë dhe të afrohen drejt selisë së qeverisë.
Për të sprapsur protestuesit dhe për të marrë kontrollin e situatës, policia ka vënë në përdorim makinat ujëhedhëse.
Efektivët po punojnë për të zbrazur të gjithë perimetrin e bulevardit dhe për të garantuar kalimin e sigurt në pikat kyçe të kryeqytetit, ndërkohë që përplasjet sporadike vazhdojnë në rrugët dytësore.
