Loading ...
Ndryshimet janë pjesë e futbollit dhe për Shqipërinë pati katër të tilla, ndërsa afron ndeshja e fundit e kësaj katërsheje. Trajneri Rolando Maran vendosi të kalonte dy prej lojtarëve, Feta Fetain dhe Samuele Sinën tek Shpresat e Alban Bushit për miqësoren e sotme ndaj Ukrainës.
Ndërkaq, në ekip ka ardhur portieri Simon Simoni, për të plotësuar numrin e gardianëve pasi Etrit Berisha doli me karton të kuq në Finlandë.
Lajm I mirë për kuqezinjtë është që lojtari ofensiv, Luis Hasa, ka lënë prapa problemet dhe është bashkuar me grupin.
Maran, si zakonisht, e ndau ekipin në dy pjesë, me ata që ishin titullarë ndaj Finlandës që u impenjuan më pak, dhe me pjesën tjetër që pati program të plotë.
Këtë të martë në 20:45, Shqipëria pret San Marinon në “Arenën Air Albania” në kryeqytet për ndeshjen e katërt të radhës në Ligën e Kombeve, dhe të fundit në këtë cikël të shtatorit e tetorit.
Objektivi është vetëm fitorja për të synuar sërish vendin e parë në grup, ndërsa po këtë të martë Finlanda luan në fushën e Bjellorusisë, në Hungarinë asnjanëse.
Deri tani, ekipi ynë ka dy fitore, 2-0 ndaj bjellorusëve e 3-0 kundër San Marinos, dhe humbjen e pafat 1-2 në Helsinki./abcnews.al
