Loading ...
TIRANË– Gjykata Speciale e Hagës më më 16 shtator do të shpallë vendimin për katër ish-krerët e Ushtrisë Çlirimtare të Kosovës, të cilët mbahen në paraburgim prej afro gjashtë vitesh.
Analisti Artur Nura, i ftuar në “News Line” theksoi se ky është një proces tërësisht politik dhe nuk ka lidhje me pjesën juridike.
Sipas Nurës, është e pakonceptueshme që të vendosësh shenjë barazie mes viktimës dhe kasapit.
Ai theksoi se Ushtria Çlirimtare e Kosovës luftoi kundër okupimit të dhunshëm dhe kriminal të ish-Jugosllavisë.
“Nuk mund të trajtohet viktima me kasapin. Shqiptarët e Kosovës u mbrojtën nga uzurpimi i dhunshëm. Atje kemi të bëjmë me një proces politik, nuk është proces juridik”, u shpreh Nura.
Ai theksoi se më 16 shtator pret që Gjykata të shpallë pafajësi për katër ish-krerët e UÇK-së, si Hashim Thaçi, Kadri Veseli, Jakup Krasniqi dhe Rexhep Selimi.
“Unë pres në mënyrë dëshirorë pres pafajësinë, sepse nuk mund të barazon viktimën me agresorin. pres pafajësinë”, theksoi ai./abcnews.al
