Loading ...
Ekipet e shpëtimit në Indonezi vijuan të dielën kërkimet për 130 persona të zhdukur, pasi një anije pasagjerësh u mbyt në Detin Java.
Agjencia indoneziane e kërkim-shpëtimit bëri të ditur se deri tani janë shpëtuar 113 persona, ndërsa gjashtë të tjerë kanë humbur jetën.
Anija transportonte gjithsej 243 persona, përfshirë 30 anëtarë të ekuipazhit. Ajo u raportua e zhdukur në orët e para të së dielës, pasi humbi kontaktin me autoritetet për shkak të kushteve të këqija atmosferike.
Operacioni i kërkim-shpëtimit vijon në Detin Java, ndërsa ekipet po punojnë për gjetjen e personave që rezultojnë ende të zhdukur.
