Loading ...Ka sot seancën në GJKKO, Ilir Beqaj paraqitet në gjykatë. Por seanca nuk do të zhvillohen për shkak të bojkotit. Ilir Beqaj shoqërohet me polic për shkak se ndodhet në masën e arrestit shtëpiak.
Arrestimi i tij erdhi pas verifikimit që prokuroria e posaçme bëri mbi menaxhimin e fondeve që Agjencia Shtetërore e Programimit Strategjik dhe Koordinimit të Ndihmës, kishte bërë gjatë kohës që drejtohej nga Ilir Beqaj.
Duke e cilësuar vendimin si të balancuar, avokati i ish ministrit tha se SPAK duhet të gjejë provat për të provuar 4 akuzat e ngritura.
Bashkë me Beqajn, të pandehur në këtë dosje janë marrë edhe 7 persona të tjerë, mes të cilëve edhe Ermal Kurtulaj, i njohur si njëri i afërt i Beqajt dhe punonjës në SASPAC.
Hetimet për këtë çështje, nisën në shtator 2023, nga ku rezultoi se nëpërmjet faturave fiktive, fondet e kësaj agjensie kanalizoheshin drejt bizneseve që SPAK thotë se lidhen me Beqajn.
Krahas kësaj çështje, më parë ish ministri është marrë i pandehur edhe për dosjen ku u hetua koncensioni i Sterilizimit.
