Loading ...
Gushti 2026 ka qenë muaji më i nxehtë i regjistruar ndonjëherë në botë, duke barazuar rekordin e korrikut 2023, sipas shërbimit klimatik të Bashkimit Evropian, Copernicus.
Temperatura mesatare globale gjatë gushtit ishte rreth 1.65 gradë Celsius mbi nivelet para-industriale, duke kaluar për të dytin herë në një muaj të vetëm pragun simbolik prej 1.5 gradë Celsius, të cilin vendet e botës synojnë ta kufizojnë për të shmangur pasojat më të rënda të ndryshimeve klimatike.
një muaj i vetëm mbi 1.5 gradë nuk do të thotë se objektivi klimatik është kapërcyer në mënyrë të pakthyeshme. Megjithatë, rekordi i ri shihet si një tjetër sinjal alarmi për ritmin e ngrohjes së planetit.
Rritja e temperaturave lidhet kryesisht me ndryshimet klimatike të shkaktuara nga aktiviteti njerëzor, ndërsa kushtet natyrore, përfshirë fenomenin El Niño, kanë ndikuar gjithashtu në temperaturat globale.
Sipas ekspertëve, El Niño aktual po forcohet dhe ndikimi i tij më i madh në temperaturat e planetit pritet të ndihet gjatë vitit të ardhshëm.
Gushti mbylli gjithashtu një verë jashtëzakonisht të nxehtë në Evropën Perëndimore. Në Mbretërinë e Bashkuar, vera e vitit 2026 rezultoi më e nxehta që prej fillimit të regjistrimeve në vitin 1884.
Vala e të nxehtit shkaktoi probleme të shumta në disa vende evropiane, duke prekur shëndetësinë, arsimin dhe bujqësinë. Temperaturat e larta favorizuan gjithashtu zjarret në pyje, thatësirat dhe shtuan rrezikun për shëndetin e njerëzve.
Ekspertët paralajmërojnë se temperaturat rekord nuk duhet të konsiderohen si “normalja e re”. Sipas tyre, për sa kohë vazhdon përdorimi masiv i lëndëve djegëse fosile, temperaturat globale do të vijojnë të rriten dhe fenomenet ekstreme të motit pritet të bëhen më të shpeshta dhe më intensive.
