Loading ...
Një maji I këtij viti nuk do të harrohet lehtë.
Një trajnere me origjinë shqiptare nga Kosova udhëhoqi ekipin suedez, Haken, në fitoren e Kupës së Europës, niveli I dytë më I lartë në kontinent I konkurrimeve për femra pas Championsit.
Elena Sadiku shkroi emrin e saj në librin e fituesve në këtë nivel të lartë, ndërsa skuadra e saj mundi 3-2 në stadiumin e Goteborgut, ekipin tjetër suedez, Hamarbi.
Finalja e parë kishte përfunduar 1-0 po për Hakenin.
Ky sukses nuk mbeti pa jehonë dhe ja ku vjen lajmi se vajza 32-vjeçare e lindur në Boholt të Gjermanisë, nga prindër shqiptarë nga Kosova, e që ka sot pasaportën suedeze, do të jetë në garë për të fituar Topin e Artë.
Revista franceze, “Frans Futboll” ka përzgjedhur pesë emra, mes të cilëve trajnerin e Barcelonës, Pere Romeu, Zhonatan Zhiraldenë e Lionit, Nils Nilsenin e kombëtares së Japonisë dhe Andre Jeglercin e Mançester Sitit.
Sadiku mund të mos ketë fituar Championsin si Romeu me Barçën, por ka triumfuar me një skuadër shumë më modeste si Haken.
Më parë, ajo ishte trajnere e skuadrës së vajzave të klubit gjigand të Skocisë, Sëlltik, duke fituar Premier Ligën skoceze në 2024.
Atë që nuk arriti ta fitonte si futbolliste, pasi u tërhoq në moshën 24-vjeçare për shkak dëmtimi, kjo femër energjike po e arrin në stol.
Konkurrenca është e ashpër, por ndoshta Elena edhe mund ta fitojë Topin e Artë të “Frans Futbollit”, për t’u bërë e para grua e sportit me origjinë shqiptare, dhe I pari njeri në total me origjinë nga këto anë, që të arrijë një sukses kaq të madh.
